8.你點知今日會好天?

春雨綿綿，香城的街頭籠罩著一層薄霧。涼風和望望一起搜集資料，來到咖啡店坐下來。以中年男子為題材的作品，她們已經搜閱了為數不少。當中以《大叔的愛》最讓她們耳目一新。

不過《大叔的愛》已經翻拍了香城版，就只作參考。

桌上擺著兩套參考用的書籍，猶如兩扇通往不同心靈世界的門扉，就是她們最后的決擇——一套是漫畫《愛在雨過天晴時》，另一套則是小說《撿到女高中生后刮掉胡子的我》。她們仔細研讀，應該選定哪個故事，讓巨星能夠融入書中的世界。

涼風雙手捧著一杯拿鐵，語氣平穩地說：「望望，妳覺唔覺得《愛在雨過天晴時》好啲？呢個故事有種柔情又強大嘅力量，講述一個少女同一個大叔相遇嘅過程，雖然年齡差距好大，不過佢哋喺雨天同晴天之間慢慢靠近又分開，好似一場自然嘅雨水，療愈佢地各自嘅問題，令到佢地重新出發。我相信巨星演呢個大叔主角一定好有說服力。」

望望慵懶地窩在梳化上，雙腿盤起，手里拿著冰凍摩卡，嘟起嘴一邊喝著一邊撒嬌：「咁就梗係啦，我揀得俾你睇，梗係首選啦！不過呢，《撿到的女高中生后刮掉胡子的我》都有種錯配嘅樂趣咯！一個普通單身上班族喺街邊執起個離家出走嘅女高中生返屋企，俾佢同居一室，巨星星要演呢個對住女高中生捉弄同誘惑佢都坐懷不亂嘅大叔，又真心想睇呢個多啲！」

涼風聽著望望的描述，搖了搖頭：「感覺上呢套《撿到女高中生》除咗題材新鮮之外，俾到巨星嘅突破唔多，而且角色成長都集中喺女主角果邊，好似唔太啱佢拍。」

望望不服氣，把冰凍摩卡啜進嘴里，含糊不清地說：「哼哼，反正兩套都係我推薦，依家揀邊套都係歸功于我！」

涼風放下茶杯，指著《愛在雨過天晴時》的封面說：「《愛在雨過天晴時》嘅感情線好細膩，可以期待巨星用佢幽宛嘅眼神同語氣，去演繹一個內心孤獨但溫暖嘅男人。故事入面嘅雨天晴天意象同香城嘅氣氛好搭，拍出嚟會有種詩意嘅感覺。」

望望心里不以為然，一口喝掉冰凍摩卡后說：「巨星做一個失意嘅作家，係可以逼到佢用啲失意經歷出嚟做戲。不過《刮掉胡子》係要佢好尷尬咁同女高中生共處一室，就可以將佢唔擅長面對我地女中學生果一面展露俾全世界睇?。」

兩人你一言我一語，爭得面紅耳赤，涼風想著蓋棺定論：「林蘥望小朋友，妳都講咗《愛在雨過天晴時》係首選，就唔好咁三心兩意啦好唔好？呢兩個故事相差咁大，妳諗唔諗到點樣二合為一？諗唔到就present呢個故事俾佢考慮啦！」

望望嘟著嘴勉強同意，又搖了搖頭。

***

巨星和助手走進會客室，目光分別投放在桌上的書本和兩位令人期待的年輕天才。

「妳地有諗法嗱？真係后生可畏，今次又有咩好橋？」巨星坐了下來神態自若，語氣輕松。

涼風開始敘述，聲音溫柔而清晰：「巨星先生，我哋今次揀咗呢個故事，係講述一個中年嘅餐廳店長同一個高中少女之間嘅感情。佢地一開始年齡同身份好遙遠，但少女對大叔嘅單戀同大叔慢慢敞開心扉嘅過程，就好似雨過天晴一樣清新自然。」

她停頓了一下，眼眸中閃耀著一抹期待，補充著說：「香城嘅春天多雨，呢個故事嘅雨天場景同呢度嘅意象好夾。故事入面有好多雨天場景，我諗如果喺香城拍，可以運用濕漉漉嘅街道同街上嘅霓虹燈做背景，拍出好有氣氛嘅畫面。您同女主角喺雨中對望，或者喺餐廳嘅小角落傾偈，都可以好動人。」

涼風的手指輕輕掃過封面上的雨傘圖案，指尖停留在女主角的身影。巨星就站在香城的一個街角，雨水順著他的兩傘滴落，霓虹燈的光芒映在濕潤閃爍的地面上，他與少女的目光在雨霧中交錯，靜謐中透著一絲輕柔的張力。

巨星聽著，微微點頭，眼神若有所思。助手在一旁插話：「呢個故事聽落好有層次，巨星演過好多喜劇同動作元素豐富嘅角色，拍一個有質感嘅愛情戲都幾有新鮮感。」

望望坐在一旁，忍不住插嘴，語氣俏皮但又帶著一絲不甘：「巨星哥哥，雖然我都認為呢個故事相當唔錯，不過其實我仲另外有一個故仔覺得好好——係一個大叔同女高中生共處一室嘅故事！

女主角係一個離家出走嘅少女，佢甚至提出以身體換取借宿一宵嘅請求，但被大叔主角嚴正拒絕。雖然係咁，大叔都依然俾女主角住喺佢屋企，兩個人開始咗一段微妙卻溫馨的同居生活。不過涼風話呢個故仔唔啱巨星哥哥，所以就揀咗晴天陰天雨天果個喇。」

她聳著肩，語氣中透著小小的遺憾。她踢了踢腳尖，地板發出一聲輕響，是她內心不服氣的小小抗議。

巨星聽完，轉頭問助手：「呢個聽落都幾得意。你覺得呢？」助手笑著回應：「好似有多少道德上踩界，會令到個感情線唔夠突出。」

巨星拿起桌面的書本，手指翻開幾頁。輕輕閱讀了一會兒，又把書交給了助手，他靠在椅背上，敲著桌面，語帶肯定地說：「妳地兩位講得好好，似乎都做足曬功課先上嚟。」他停頓了一下，目光從書頁移到她們身上，嘴角揚起溫暖的笑容：「我今晚諗一諗先，聽日俾個答覆妳哋。」

涼風和望望聽著巨星的話，各有自己的想法。

***

晚上，巨星獨自一人坐在家中，雨點輕輕敲打窗邊，是撩動琴弦的聲響。他翻閱《愛在雨過天晴時》的漫畫，靜靜地把整個故事讀完。

一位45歲的餐廳店長，日復一日在油煙與喧囂中度過，生活如同一潭死水，表面平靜卻深藏疲憊，昔日的理想已經化成幻影。他讀著少女對男主角的熱情，那份藏在眼神與沉默中的情愫。他讀著男主角情感上的掙扎，情感上的釋懷，都仿佛化作一陣空氣，輕輕吹過他的臉頰，帶來一絲刺痛。

巨星閉上眼睛，腦海中故事的少女化為她的面容——自己站在香城街頭，撐著一把傘，雨水順著傘邊滴落，打在濕漉漉的地面上，發出細碎的聲響。街燈的光芒在水洼中破碎，映出他滄桑的側臉。

他望著遠處一個模糊的身影，少女的輪廓在雨霧中若隱若現，她的眼神帶著羞澀與期待，輕輕點亮了一盞微弱的燈。這一刻，他聽見了自己的心跳，緩慢而有力，正在被這片眼神喚醒。

故事里的男主角沉默而孤獨，卻在少女的執著下逐漸敞開心扉；雨天成了他們向前邁步的催化劑，每一場雨都像在洗刷掉過去的傷痕。

他轉過身，目光掃過房間，書架上的相框有著他早年的照片。照片中的他笑容燦爛，散透著曾經他青澀的銳氣。書架上還擺起了一些獎座，金光閃閃，卻覆著一層薄薄的灰塵。他走到架前，拿起一個獎座，指尖拂過上面的銘文：「最佳男主角」。

他再想到了望望的提議，那個荒誕的大叔與女高中生同居的故事，充滿搞笑與錯位。雖然有趣，但是他不愿觸碰，更不欲將其化為銀幕上的光影。

她的形象又在他腦海閃過。少女青春如花，清澈如泉，對他來說遙不可及。

巨星拿起電話，告知給助手，語氣堅定說：「我決定咗，就拍《愛在雨過天晴時》。的確係涼風佢地幫我度身訂造，我都相信可以俾到觀眾唔同嘅面貌。可以開始籌備，同出版社果邊聯絡一下。」

助手在電話的另一頭，冷靜地說：「明白，拍呢個project制約應該唔大，可以盡善盡美。」

巨星掛斷電話，心情舒暢和充實，他想起香城一段曾在電視播出的經典影像：「你點知今日會好天?？希望在明天嘛。」