02　我要入4As

近乎大部分讀緊書嘅大學生，都憧憬一畢業(yè)就要去一間4As^＊嘅廣告公司度做，心諗「由新仔做起，捱幾年之後再轉(zhuǎn)出去做，咁就可以升仙呀～」，4As呢幾粒字對佢哋嚟講猶如仙境，其實現(xiàn)實又係乜嘢一回事呢～

早年4As真?zhèn)S好勁，佢哋除咗係跨國企業(yè)大公司，作品都真?zhèn)S好好。對客戶嚟講，所有4As嘅廣告公司都係信心嘅保証，佢哋嘅作品都係有望攞獎，所以好多大品牌都只會用4As為佢哋製作廣告；對求職者而言，入4As可以話係夢想，學到嘢之餘，仲有機會接觸好多大製作。另外大部分4As公司工作都係好有system，亦會有好多training畀員工，而啲員工都好有料，專出勁人。仲有度好就係，員工可以同其他國家嘅同事／客戶交流，幫初哥打好個foundation。

當然，針冇兩頭利，有利一定有弊，大部分初入行都係勁低人工，4As初哥嘅你通常會：

1）每日帶兩個飯盒返工，lunch一個，OT一個；

2）放工後只可以選擇喺公司OT或者返屋企OT；

3）每日都要準備定一百蚊用嚟放工搭的士；

4）為每個月嘅birthday lunch、farewell lunch同welcome lunch儲定錢。

另一個弊處就係要適應公司文化或者處理人事問題。可能有太多唔同國家嘅同事，加上工作壓力又大，好多人都會有藝術家脾氣，所以相對地會有較多人事問題（我覺得）。戴返個頭盔先，我只係講一小部分嘅公司咋～雖然好處都多，但人工低＋壓力大＋人事問題多，令公司流失率好高，好多初哥做幾個月至一年多就會走人，好少有人可以捱幾年仲生存緊。

近年市況開始有少少轉(zhuǎn)變，好多本地廣告公司嘅質(zhì)素越來越高，亦有4As人出嚟自立門戶，佢哋嘅成績同作品更可媲美4As，大嘅品牌公司都開始選擇用本地廣告公司，可見“4As is the best”呢個情況已經(jīng)唔一定係絕對。講咗咁耐，我想講嘅唔係叫人唔好入4As，重點係入去做之前要有心理準備，要食得鹹魚抵得渴，有決心入去，就唔好2-3個月就嫌辛苦走人。至於好想入4As但入唔到嘅你，亦唔使好失望，其實成個市場都仲有好多有潛質(zhì)同埋好成功嘅本地廣告公司，只要你有料同肯努力，去到邊都係你嘅表演舞臺！