3.

公平咩？呢個世界公平咩？

「嚇！？巨星之后私底下約過妳？？！」

林蘥望這一天真的有夠刺打雙激了。

汝涼風穿著校服，從某甲級寫字樓走出來，搭叮叮電車離開時，似乎被學校里的學生碰到了。

畢竟涼風在學校德才兼備，全體師生們或多或少對她都有些許認識。某些喜愛東張西望的好奇寶寶在考察的過程中，發現巨星的電影工作室正正就在這棟寫字樓開設。于是這段流言蜚語就如星火燎原在學校傳播出去，至于有沒有「兩儀生四象，四象生八卦」，有沒有傳到其他名門女校貴族男校都耳有所聞，實在不得而知了。

至少，這個傳聞已經傳回望望和涼風耳邊了。

***

回想當日陽光明媚，巨星來臨振奮人心的早會后，校園里的一切都顯得格外生機勃勃。銀幕巨星，帶著一絲好奇，還有一絲不安。在這座充滿歷史的學校完成演講，繼續接受盧校長的安排。陪同校長一起迎接他的，就是這位叫汝涼風的女學生。她身著校服，舉止端莊，眼中閃爍著智慧的光芒。

她們一邊似不經意地在校園漫步，一邊由涼風以柔和的聲音向巨星介紹著學校的歷史和特色，期間盧校長一邊點頭微笑，令涼風的語調中透露一種隨意的自信與從容。她帶他走過那條被樹蔭覆蓋的小徑，指著遠處的紅磚樓，講述著那些曾在此學習的杰出校友的故事。她的話語涓涓細流，輕柔又充滿力量。

巨星不禁從她的氣質聯想到自己過世的妻子。她溫婉有力的分享如同一縷春風，讓他感受到一種久違的平靜與愉悅。她每一個微笑，每次輕輕的一指，都似乎在無聲地傳遞著一種內在優雅與智慧。

當他們走到校園的水池畔，三人都停下腳步，靜靜地望著水面。

涼風輕聲地說：「呢度係我喺學校最鐘意嘅地方，總能夠令到我對于『水』呢樣事物，有唔同嘅想法。」

巨星望著水面的倒影，發現她的眼神中流露出一種對生活的熱愛和思考，這份深邃讓他心生敬意。

涼風并沒有刻意去吸引巨星的注意。

之后盧校長對涼風的處事手法亦都更有信心，就放心讓涼風帶著銀幕巨星走進她自己的班級課室和學生交流，校長就有禮貌地離開，自己忙自己的工作去了。

同班的其他女同學們已經聚集在一起，涼風帶著銀幕巨星陳大文來到課室，女同學們興奮地圍攏過來，期待著與這位巨星的互動。涼風自然地引導著對話，讓大家有機會提問。

涼風：「好開心啦，我地班榮幸可以繼續同今日嘅特別來賓巨星先生繼續傾多陣。大家有冇咩問題想請教他呢？」

Fay：「巨星先生，您剛才提到嘅夢想令到我好有感觸，您覺得喺追夢過程中，最重要嘅本質係乜嘢？」

巨星回應：「我覺得最本質就係堅持同熱愛。就好似我頭先咁講，人生就好似一出喜劇，無論遇到什么，有悲有喜，都要笑著面對，唔好演成慘劇。」

Amelia：「我地出去打街波，同男仔打都會覺得難過登天，就算加埋涼風一齊落場都無力回天。巨星您在演藝圈中有沒有遇到過特別困難嘅時刻？係點樣克服？」

巨星：「當然啦，拍每一套作品都難免有唔少困難。但我學識咗話俾自己聽，定一個自己做到嘅目標，繼續努力。

例如妳地同男仔打街波，唔好用贏男仔做目標，試下用每一場都有波入、攞到分做目標先，等自己可以挑戰更難嘅關卡時，再提高挑戰性。每次解鎖一個小成就，都係繼續成長嘅燃料。」

林蘥望總算等到談話的機會了。

她自己心知自己是個傻癡癡的影癡，很清楚帶著巨星參觀校園的人選一定是汝涼風這種優異的學生；她一直默默期待能和巨星這樣交談。

她鼓起勇氣，滿臉期待地說：「巨星哥哥！我玩寵物小精靈都係好似您講咁?！我先培養咗最有用果啲小精靈爆機先，然后再捉齊曬所有神獸嚟儲圖鑒，我想問我有冇做到您所講嘅努力啊？」

巨星沒有接觸過寵物小精靈，對于林蘥望這個小精靈這樣考起自己了，還真是一時語塞。

「同埋巨星哥哥！您覺得我有沒有潛質成為演員呢？仲有我其實係您忠實影迷，每套您嘅電影我都睇十次以上?！」

巨星微微一笑，禮貌地回答：「每個人都有自己嘅潛力，只要您愿意努力，就一定能實現夢想。」

望望有些失落，因為她希望能得到巨星更多的關注，但仍然微笑著，心中默默下定決心要更加努力。

Fay又想到新的問題：「咁巨星您喺多年嚟拍攝過程中，遇到過最大嘅挑戰係點？」

巨星聽到這個問題，心中想的，仍然是早會上的演講。不過，他保持鎮定設想回到影視作品里面的難題，回答說：「最大嘅挑戰，可能就係要喺拍攝之前，短時間進入角色嘅內心世界。因為好多時候，角色情感非常復雜，需要我好短時間去理解同體驗。」

涼風輕輕地補充說：「聽落同我地溫書時遇到嘅困難好相似，需要不斷探索同理解，先可以切切實實咁掌握。而且我地溫書嘅時間同樣係好有限，所以一定要善用時間同平衡取舍。」

巨星總算有機會向涼風問題：「汝涼風同學，妳對學習嘅熱情同理解令人印象深刻。妳係點樣保持呢種熱情？」

涼風笑靨如花說著：「我認為學習係一個不斷發現和成長的過程，每一次挑戰都一次機會同相遇。我鐘意從唔同嘅角度去看待問題，可以對學習保持好奇心。」

巨星點點頭，對涼風的回答表示贊賞：「呢種好奇心同熱情係非常寶貴，寓工作于娛樂，無論學習定係工作中都好重要。」

這段對話不僅讓巨星對涼風的智慧和熱情有了更深的認識，也讓他對這群充滿活力和思想的叻女們深表敬意。

然而，正能量過頭的氣氛總讓人有點感到拘謹。班里面有位女生，Olivia就對這個氛圍看不過眼，準備揭穿汝涼風的真面目了：

「巨星先生，唔好剩係睇到汝涼風滿口大道理呀，平時好巴渣?佢！」

Fay：「係?！佢一路都鐘意做佢個優等生人設咋?！依家又唔使陪佢應對班先生，我地都唔使客氣到咁?！」

巨星有點錯愕又有點驚喜，輕輕會心微笑。

Amelia也跟著說穿：「涼風有學校先生喺度果陣，就會識瞻前顧后滴水不漏，其實佢自己成日做到好攰，攰攰地就會唞下嘅！」然后輕輕指一指林蘥望，「呢，涼風佢想放松呢，就係對住望望阿媽教女咁，篤曬望望啲缺點出嚟減壓啰！」

「係呀……佢成日蝦我…….」望望被說中到心坎里，幾乎要在巨星面前哭出來了。

「我無蝦妳，妳識得自己獨立，我得鬼閑花咁多時間喺妳身上！」然后涼風望向其他同學，「我點樣苦口婆心勸佢唔好咁傻豬豬，妳地個個都有眼睇??！」

Fay和Amelia看到涼風溫柔婉約好學生的人設逐步崩壞，相視而笑：「係嘅係嘅，啱嘅啱嘅，妳無錯妳無錯。」

最后還是得由Olivia補上尾刀：「全世界都知妳當望望親生女咁錫，係得望望同妳唔知之嘛，涼媽！」

涼風這下子真的不知道如何在巨星面前自處了：「妳班衰婆，叫我涼媽….」她把左手放到咀唇上，輕輕感嘆，「我明明完全聽得明妳班人把口講乜，但係我真係完全唔明妳班人個腦諗乜！」

巨星淺淺微笑，覺得在汝涼風這位女孩子身上，不單止看到了亡妻當年的倩影，更能感受到現在涼風身上強大的青春活力。

「其實妳都真係好有熱誠。」巨星簡而精地打了圓場。

就這樣，巨星透過學校的安排，在演講日之后，誠意邀請汝涼風來到他的電影工作室參觀。

而且巨星也很想他的得力助手跟涼風見一見面。

***

「嚇！？巨星之后私底下約過妳？？！」

「邊係私底下啫，果次係Career Office安排，我當係幫學校做嘢?咋。」

「搞錯呀妳，咁都唔叫埋我！」林蘥望心感委屈。

「果次係Career Office安排，無可能帶埋妳去?林蘥望。」

「咁之后呢？」

「之后無上過去?，不過留低咗工作室個電話俾我，同過我講，有興趣可以再上去參觀下佢地工作環境。」

「係咁，係咪即係下次可以帶埋我去？！」

「依家件事傳到亂曬龍，都無得唔帶埋妳去啦！我同佢地約個時間，一齊著返便服低調啲上去。」

「嗯～！咁樣公平啲！」望望不自覺地對著涼媽撒嬌了。